Dakbayan sa Sugbu mogasto nalang ug P5 milyones inay P11 milyon pesos sa selebrasyon sa Independence Day

CEBU CITY-Upat ka adlaw sa dili pa ang ika- 125 nga kasaulogan sa Independence Day sa tibuok Pilipinas ug gani kini ang unang kasaulugan ubos sa kasamtangang administrasyon ni Cebu City Mayor Mike Rama.

Nakakuha ug lahi-lahi nga opinyon ug suhistyon ang pag gasto sa kagamhanan sa Sugbu ug P11 milyon pesos sa maong adlaw, hinungdan nga nakahukom ang Dakbayan nga inay P11 milyon pesos ang gastuhon himoon nalang kini ug P5 milyones.

Kini ang gitino ni Atty. Collin Rosell, ang City Adminsitrator sa Dakbayan sa Sugbu, nga bisan paman sa pag-minos sa budget sa Dakbayan, magpadayun gihapon ang mga kalihokan sa naasoy ng adlaw, arun paghinumdum sa katawhan kung unsa ka mahinungdanun ang maong adlaw.