CEBU – Gihingusgan sa lokal nga kagamhanan sa dakbayan sa Talisay ang pagpalambo sa panglawas sa mga senior citizens ug persons with disabilities (PWDs).
Gibutyag ni Talisay City Mayor Gerard Anthony ‘Samsam’ Gullas nga pila ka tuig usab nga wala makagawas sa panimalay ang mga senior citizens ug PWDs gumikan sa COVID-19 pandemic hinungdan nga importante nga atimanon karun ang ilahang panglawas.
Subay niini, gilusad sa dakbayan ang Wellness Day diin ipahigayon matag adlaw nga Miyerkules ang libre nga serbisyo alang sa mga naasoy nga sektor, sama na lang sa manicure, pedicure, massage, facial, haircut, ingon man Zumba.
Ipahigayon ang maong kalihokan sa Talisay City Poblacion Liberation Park diin karung adlawa, Setyembre 28, hingpit nga gisugdan ang maong programa.
