METRO MANILA-Lauman ang laing hugna sa rollback sa presyo mga produktong petrolyo sunod semana.
Kini ang mahimong magtimaan sa ikatulong sunod-sunod nga semana sa pagkunhod sa gasolina ug ikalima sa diesel ug kerosene.
Sa pagkutlo sa mga banabana sa industriya base sa upat ka adlaw nga internasyonal nga trading sa lana, si Department of Energy-Oil Industry Management Bureau Director III Rodela Romero miingon nga ang presyo sa mga produktong petrolyo sa domestic pump mo-rollback sunod semana, sugod Agosto 13.
Ang gibanabana nga pagkunhod sa presyo mao ang mga musunud:
Gasoline – P2.30 ngadto sa P2.50 matag litro
Diesel – P1.90 ngadto sa P2.10 matag litro
Kerosene – P2.35 ngadto sa P2.40 matag litro
Matud ni Romero nga ang resulta sa patigayon niadtong Biyernes maoy magdeterminar sa kataposang mga kausaban nga ipatuman sa mga kompaniya sa gasolina.
Dugang pa sa opisyal sa DOE, nga ang merkado sa lana gipaabot nga magpabilin nga mabag-o sa umaabot nga mga semana.
Ang mga kompaniya sa lana sagad mopahibawo sa price adjustments matag Lunes, ug ipatuman sa sunod adlaw, Martes.
