Palig-onay og ngipon, mga kabombo?
Dili magpauwahi ang 25-anyos nga si Chen Qin, gikan sa Hubei, China, tungod sa iyang talagsaong abilidad nga mu-ukit og karots gamit lang ang iyang ngipon ug maporma niya ang bisan unsa nga istraktura.
Matud ni Qin nga aksidente kining nagsugod sa dihang nagkaon siya og karots samtang nag-stream, ug nakahimo siya og porma nga gidayeg sa mga nanan-aw.
Misuway siya og lain nga utanon sama sa rabanos, apan nakapasakit kini sa iyang tiyan, rason nga mibalik siya sa karots.
Ang karots lig-on, hayag ang kolor, ug dili makadaot sa ngipon kondiin sa iyang pag-ukit, gamiton lang niya ang incisors ug usahay ang canines, ug maghinay-hinay sa detalye.
Karon, kapin na sa 100 ang iyang nahimo nga eskultura sa karots, lakip ang Great Wall of China ug Yellow Crane Tower.
Aron maprotektahan ang ngipon, naglikay siya sa tam-is ug softdrinks, nagpanit duha ka beses kada adlaw, ug magpahuway kung dugay na siya nag-ukit tungod kay usahay makasinati siya og sakit sa ngipon.
