CEBU CITY-Naghinuktok sa mabugnawong selda sa Mabolo Police Station sa Cebu City Police ang usa ka 24-anyos nga dalagita human kini nadakpan nga nangawat og mga underwear ug mga pampagwapa (beauty products) sa usa ka tanyag nga mall sa North Reclamation Area sa dakbayan sa Sugbo.
Giila lang usa ang dinakpan nga si alyas “Jessa” kinsang usa ra sab nga service crew sa laing patigayon sulod sa maong mall nga lumulupyo sa Sitio Kauswagan, Barangay Basak Pardo ning dakbayan sa Sugbo.
Nakuhaan ang dalagitang dinakpan sa kaping P10,000 nga balor sa mga kabutangan nga gilangkoban sa tulo ka paresan sa panties, tulo ka bra, lima ka blouses, duha ka sunscreen lotion, usa ka paresan sa leggings, ug usa ka beauty cream.
Sa pagsubay pa sa panghitabo sa krimen ay pasado alas 11:30 sa gabii niadtong Sabado Disyembre 28 kay gisita sa usa ka security guard ang dalagita human mihata og ikyas sa mall nga adunay gihuptan nga mga unpaid items.
Didto na kini nasikop ang dinakpan og daling giturn-over sa security detail sa mall ngadto sa Mabolo Police Station.
Wala na mihimakan ang sa iyang nabuhat og ingon man nga mag-atubang kini sa kasong pagpangawat.
