Usa ka 13-anyos nga dalagita ang magdala sa bandila sa Pilipinas atol sa World Surf League (WSL) Baler International Pro QS 4000 ug LQS 1000 nga gikatakda sa Sabang Beach sa umaabot Nobyembre 17 hangtod 23.
Nanguna sa tanang local contigents sa maong kompetisyon si Cathleya Casals, diin sukad 5-anyos pa kini kay hanas na sa natad nga surfing.
Kini maoy ikaduha sa four-leg Philippine series nga giorganisar sa WSL diin nagsugod duha ka semana ang milabay sa General Luna, Siargao.
Anaa sa ika-17 nga ranggo si Casaslas sa WSL world junior tour diin gikatakdang magrepresentar kini sa Team Pilipinas kauban sila Kaila Jane de la Torre ug Mara Lopez, ingon man sila si Neil Sanchez, Allen Magos, John Mark Tokong, Nilbie Blancada and Eduardo Alciso ug ang mga Longboard specialists nga sila si Mark Agila ug Warren Valenzuela.
Ang torneyo kay langkoban sa 52 ka mga surfers sa men’s qualifying series, 21 sa women’squalifying series, 14 sa women’s longboard qualifying series, ug 23 sa men’s longboard qualifying series.
Human sa Baler, ang WSL muadto sa La Union sa Enero 11-16 ug 20-26 sa culmination sa Philippine series.
