CEBU-Nakasinati og pagdahili sa yuta nga miresulta sa pagkaguba o pagharang sa pipila ka mga dalan sa bukirang bahin sa lungsod sa Argao ug Dalaguete sa habagatan bahin sa probinsya sa Sugbo.
Nahitabo kini gabii niadtong adlaw sa Sabado, Disyembre 21 og milangtod sa Dominggo sa sayong buntag, Disyembre 22.
Diin ang mga dalan sa Barangay Catan, Usmad, Panadtaran ang apektado sa lungsod sa Argao samtang sa Mantalongon-Manlapay National Road sa Kanlawilao section ang dili maagian sa lungsod sa Dalaguete tungod sa midahiling yuta.
Sa eksklusibong pakighinabi sa Bombo Newsteam kang Jose Rheychard Empic sa Dalaguete Disaster Risk Reduction and Management Office nga gitinguha nilang ma-clear ang lugar kay sa pagkakaron sa adlawan pa ilang tugutan nga maagian ang maong dalan ug surad-an sa gabii tungod sa mga hulga sa mga dagkong bato ang naka-ong-ong sa babaw nga bahin sa bukid.
Ang pagdahili sa yuta nunot sa sagunson nga kusog nga pagbunok sa uwan sa habagatang probinsya tungod sa Shearline ug sa milabayng bagyong Querubin.
