CEBU CITY-Patay ang usa ka lalaki human nga gipusil sa wala pa mailhing mamumuno sa may Brgy. Mambaling niining dakbayan.// Naila ang biktima nga si Louie Flores, 28 anyos usa ka dance instructor ug nagpuyo sa Bato, Ermita niining dakbayan.
Basi sa imbestigasyon ni PSI Dexter Basirgo sa Mambaling PS basi sa statement sa barkada sa biktima nga nag-inom sila sa dihang nagdali-dali og lakaw si Flores kay matud pa dunay nagtext niini ug naay kini sugaton.
Taud-taud pa nakadungog nalang sila og buto ug naghibaw-an nila nga ang ilang barkada na ang gipusil patay.
Personal grudge ang gilantaw karon nga motibo sa pagpamusil ug posible nga gikasuyaan matud pa ang biktima sangkit nasuta nga dili kini basta batsa nga dancer og instructor kung diin naabot na kini sa kauluhan og naapil na sa usa ka noon time show sa usa ka dako nga network.
Apan wala matud pa gisalikway sa Mabaling PNP ang lain pang anggulo sa krimen samtang nagpadayon ang imbestigasyon.
Nagdumili usab ang pamilya sa biktima nga muhatag og komento kalabot sa nahitabo.
