Gideklarar si Daniel Noboa nga bag-ong Presidente sa Ecuador sa bag-ohay nga eleksyon sa nasud.
Gipildi ni Noboa ang iyang leftist nga kaatbang, nga si Luisa Gonzalez, sa kapin usa ka milyon nga boto.
Ingon man nga dayag nga gipadayag ni Gonzalez atubangan sa iyang mga dumadapig nga dili niya madawat ang resulta sa eleksiyon ug mangayo siya og recount sa mga boto.
Gitawag usab niini ang mga resulta sa eleksyon nga “the worst and most grotesque electoral fraud” sa kasaysayan sa Ecuador.
Samtang, ang 37-anyos nga si Noboa misaad nga magpadayon sa pagpakigbatok sa mga drug gang ug pagpalig-on sa ilang naglisud nga ekonomiya sa tibuok niyang upat ka tuig nga termino.
Gipasalamatan usab ni Noboa ang iyang mga supporter gikan sa baybayon nga lungsod sa Olon ug niingon nga walay pagduhaduha sa iyang kadaugan isip Presidente.
Kahinumdoman nga si Noboa napili isip ika-48 nga Presidente sa Ecuador sa 2023 snap election sa edad nga 35 aron sa pagsilbi sa nahabilin nga termino sa iyang gisundan.
Diin siya ang ikaduhang pinakabata nga Presidente nga napili sa kasaysayan sa Ecuador.
