Gipiyestahan karon sa social media ang gibutyag ni Ogie Diaz nga sila si Daniel Padilla ug Kaila Estrada gikatahong anaa sa romantikong relasyon.
Sa iyang vlog, niingon si Ogie nga gikompirmar sa iyang source ang relasyon sa duha, ug matud pa nga kapila na sila si Daniel ug Kaila nakit-an nga nag-uban, lakip na niini ang pipila ka group dates.
Si Kaila Estrada anak sa beteranong aktres nga sila si Janice de Belen ug John Estrada, ug kauban kini sa usa ka series nga gibidahan nilang duha.
Samtang, gibutyag usab ni Ogie nga adunay posibilidad nga si Kathryn Bernardo, ang kanhi uyab ni Daniel, nakigrelasyon usab kang Mayor Mark sa Lucena, apan bisan og makapila na sila ka higayon nga nakita nga nag-uban, wala gihapoy kompirmasyon gikan sa duha.
Kahinumduman nga nagbuwag sila si Kathryn ug Daniel niadtong Nobyembre 30, 2023, human sa 11 ka tuig nga relasyon isip real-life couple ug ang KathNiel duo sa showbiz.
Na-link usab kaniadto si Mayor Mark sa daghang personalidad, lakip sila Ashley Ortega, Mika Reyes, ug Maica Palo.
