Danish national, gipatay sa Probinsiya sa Bohol

PROVINCE OF BOHOL-Gikondena ni Bohol Gobernador Aris Aumentado ang pagpatay sa usa ka Danish national sa lungsod sa Panglao niadtong Martes sa hapon, Hunyo 26.

Giawhag usab niya ang kapulisan nga dakpon ang nagpaluyo sa pagpatay.

Una niini,gipusil-patay si Kristian Laurssen, usa ka Danish national sa wa pa mailhing mga mamumuno samtang nagbiyahe gikan sa iyang pinuy-anan sa Barangay Danao paingon sa Alona sa Barangay Tawala sakay sa iyang motorsiklo.

Matod sa kapulisan nga nakaangkon siya og samad pinusilan sa ulo.

Daling gidala sa Governor Celestino Gallares Medical Center sa dakbayan sa Tagbilaran apan gideklarar kini nga dead on arrival sa attending physician.

Wala pa matumbok sa kapolisan ang motibo sa pagpatay.