Giimbestigahan karon sa mga awtoridad ang Taiwanese actor nga si Darren Wang, 33-anyos, human kini giakusahan og attempted murder.
Si Darren (Ta Lu Wang) nailhan tungod sa iyang ‘coming-of-age film’ nga Our Times (2015) ug sa salida nga ‘No More Bets (2023)’.
Sumala sa mga taho sa pipila ka mga Taiwanese news sites, duha ka tawo ang mireklamo sa kapolisan nga giingong gikulata sila sa usa ka tawo nga gisugo ni Darren.
Nahitabo ang insidente dihang nibalik si Darren sa Taiwan gikan sa pagbakasyon sa laing nasud.
Human mitugpa ang aktor sa Taoyuan International Airport, nag-book kini og ride-hailing app aron madala siya sa balay.
Ingon man nga wala na kini sa mood sa dihang nakita-an ang misugat nga sakyanan nga daw pang-pobre.
Wala usab matagbaw ang aktor sa serbisyo sa drayber kay bisan asa kuno siya giagi.
Ingon man nga mitumaw pa ang init nga panaglalis tali sa driver ug si Darren hinungdan nga nanganaog sila sa awto.
Human sa insidente, giingong gitawagan sa aktor ang iyang higala nga adunay apelyido nga Yu, ug gimandoan nga kulatahon ang driver ingon man ang dispatser sa sakyanan nga iyang gi-book ug parehong nakaangkon og grabeng samad ang duha.
