Hingpit na nga mitambong ang Davao City Assessor nga si Engr. Jaime G. Adalin isip unang saksi sa depensa samtang nagpadayon ang impeachment trial batok kang Bise Presidente Sara Duterte karong Lunes, Nobyembre 9, 2026.
Gipresentar sa abogado sa depensa nga si Atty. Lindon Miguel Bacquel si Adalin aron pamatud-an nga ang propiedad nga nasakop sa usa ka Transfer Certificate of Title (TCT) husto nga gideklarar sa Bise Presidente diha sa iyang Statement of Assets, Liabilities, and Net Worth (SALN).
Apan, ang abogado sa prosekusyon nga si Atty. Benjamin Tolosa Jr. daling mikuwestiyon sa katuyoan sa depensa ug Nangatarungan siya nga ang saksi dili makapamatuod nga ang propiedad nga nakalista sa SALN mao ra ang anaa sa TCT, ug nagpunting sa usa ka “glaring discrepancy”—partikular na mahitungod sa kantidad sa pag-angkon niini. Misupak usab siya sa pipila ka mga tanyag nga testimonya, nga iyang gitawag nga “improper” ug “misleading.”
Atol sa dagan sa mga proseso, mihangyo si Atty. Bacquel og mubo nga pagsuspinso sa husay aron susihon ang dugang mga dokumento nga gidala sa saksi.
Samtang gikumpirmar usab ni Adalin—base sa usa ka Administrative District Index Map nga iyang gidala—nga ang Barangay Matina Crossing ug Barangay 74-A nagtumong sa parehas nga lokasyon sa Davao City. Kini nahitabo human nagpahayag si Escudero nga ang prosekusyon andam nga mosulod sa usa ka “stipulasyon” mahitungod niining maong butang.
