Giaprobahan sa Department of Budget and Management (DBM) ang pagpagawas sa P3.39 bilyones alang sa (FY) 2023 Performance-Based Bonus (PBB) sa 225,545 ka kuwalipikadong opisyal ug personnel sa Philippine National Police (PNP).
Matud ni Budget Secretary Amenah Pangandam nga kabahin kini sa direktiba ni Presidente Ferdinand Marcos, Jr. sa pagpalig-on sa moral ug kaayohan sa mga trabahante sa gobyerno, ilabi na sa mga tinugyanan sa balaod.
nagtumong usab kini sa pagpakita sa kinatibuk-ang tinguha sa administrasyon nga makabaton og propesyonal, madasigon, ug matinabangon nga burukrasya nga nagsilbi nga adunay integridad ug kaepektibo.
Ubos sa giaprobahan nga pundo, ang matag kuwalipikadong opisyal ug personnel sa PNP makadawat og Performance-Based Bonus.
Kini katumbas sa 45.5% sa ilang binuwan nga basic salary basi sa ilang suweldo sugod sa Disyembre 31, 2023.
Ang maong pundo kuhaon gikan sa Miscellaneous Personnel Benefits Fund (MPBF) ubos sa Republic Act No. 12116 o Fiscal Year 2025 General Appropriations Act (GAA).
