Gipasigarbo ni Budget Secretary Amenah Pangandaman nga ang Pilipinas mao’y numero uno sa budget transparency sa Asya, sa pinakaulahing Open Budget Survey.
Matud pa sa kalihim nga sa maong survey, nakakuha ang Pilipinas og score nga 76 rate nga mas taas sa target sa gobyerno nga 71 ubos sa Philippine Development Plan (PDP).
Dugang pa, ang Pilipinas nagsilbi nga lider sa Open Government Partnership, pinaagi sa pag-apil sa Open Government Partnership International Steering Committee, isip usa sa mga nasud nga nag-institutionalize sa pag-abli sa gobyerno niini, pinaagi sa Executive Order no. 31 nga gipirmahan ni Presidente Ferdinand Marcos Jr.
Ingon man nga gihimo sa DBM ang tanan aron matukod ang kultura sa transparency ug maayong pagdumala busa maayong balita nga ang Pilipinas mao’y nanguna sa budget transparency sa Asya nga adunay score nga 76.
Matud ni Pangandaman, ubos sa pagpangulo ni Pang. Marcos, nagpabilin ang ilang focus sa pagpadayon sa posisyon isip global leader sa budget transparency.
