DBM, nagpagawas og P16.5-B para sa DPWH

Nagpagawas ang Department of Budget and Management (DBM) og kapin ₱16.5 bilyon ngadto sa Department of Public Works and Highways (DPWH) aron masiguro nga dili malangan ang mga proyekto sa imprastraktura.

Sumala sa DBM, ang maong kantidad gipagawas pinaagi sa Notice of Cash Allocation (NCA) ug gamiton sa pagbayad sa mga due ug demandable accounts payable sa DPWH.

Gipasiugda ni DBM Secretary Rolando Toledo nga importante nga mapadayon ang implementasyon sa dagkong proyekto aron malikayan ang suspensyon sa konstruksyon.

Dugang pa niya, makatabang kini sa paghatag og trabaho ug pagpalihok sa ekonomiya sa nasud.

Ang pondo ipang-apod-apod ngadto sa lain-laing implementing units sa DPWH sa tanang 17 ka rehiyon sa Pilipinas.