CEBU CITY-Gitinguha ang pagbuhi sa kasapaan sa dakbayan pinaagi sa paglimpyo ug pag establish sa 3meter easement gumikan kay ang walo ka sapa sa dakbayan sa sugbo gitawag na nga “Dead River” o patay nga sapa gumikan sa kahugaw ug polusyon tungod sa pag-abuso sa katawhan susama sa paglabaw ug mga basura, mga water waste gikan sa mga dagkong edipisyon nga diriktang gilabay sa mga sapa.
Gumikan niini mipahigayon ang Cebu City Hall og groundbreaking ceremony alang sa three-meter easement project sa Barangay Bulacao niadtong Lunes, Abril 24, 2023.
Ang maong proyekto usa ka paningkamot sa City Hall aron mabalik ang mga dagkong agianan sa tubig sa dakbayan.
Harun nga mapahimuslan ang maong lugar gawas sa clearing ug pagreclaim sa 3meter easement buhatan usab kini ug access road, bike lanes, river railings, concrete pavement, ug modular water treatment facility.
Gibana bana nga anaa sa 1000 ka estraktura ang maigo ug gisumada nga anaa sa 20k ka mga pamilya ang maapektuhan niining maong clearing operation. Gani gitinguha nga makahatag ug relocation site harung dili na mo balik ang illegal settlers.
