Misaka na sa 94 ang ihap sa mga namatay sa dakong sunog sa usa ka high-rise residential building sa Tai Po district sa Hong Kong.
Kini nahitabo samtang gikumpirma sa mga awtoridad nga nahuman na ang mga operasyon sa pagpalong sa sunog sa lugar diin nahitabo ang sunog.
76 ka mga tawo usab ang nasamdan sa insidente samtang hapit 300 ka mga indibidwal ang wala pa mailhi.
Niadtong Biyernes, ang mga awtoridad mibutyag nga kapin sa 50 ka mga tawo ang nagpabilin sa ospital, diin 12 ang naa sa kritikal nga kondisyon ug 28 ang naa sa grabe nga kondisyon.
Daghang mga pamilya ang nangita usab sa ilang nawala nga mga minahal.
Gatusan ka mga residente nga gipabakwit ang kasamtangang nagpabilin sa mga temporaryo nga puy-anan.
Samtang, ang sektor sa insurance sa Hong Kong gilauman nga mag-atubang og daghang mga reklamo sa kadaot human sa makamatay nga sunog nga nagbilin sa liboan ka mga tawo nga walay puy-anan.
Matud sa China Taiping Insurance, nga ang insurer sa nasunog nga real estate, miingon nga maghatag kini og 2 billion Hong kong dollar alang sa kadaot sa kabtangan ug uban pang mga kadaot, lakip ang HK$20 milyon alang sa matag nakalas o insidente sa pagkawala sa kabtangan ug uban pang coverage.
Giawhag usab ang mga biktima nga adunay mga policy sa insurance sa pagreport dayon sa ilang mga claim ngadto sa ilang mga insurer.
