Nipagawas og opisyal nga pahayag si Atty. Michael Poa, ang tigpamaba sa Defense Team ni Bise Presidente Sara Duterte kabahin sa ikaupat nga impeachment complaint nga gisang-at batok sa bise presidente.
Sumala ni Poa, ang sunod-sunod nga pagpasaka og mga reklamo wala magpasabot nga ang mga alegasyon tinuod, ug sama sa nangaging mga kaso, ilang atubangon kini sa tukmang panahon ug subay sa Konstitusyon ug sa kasamtangang mga lagda.
Ang ika-upat nga reklamo gisang-at niadtong Miyerkules, ni Atty. Nathaniel Cabrera gikan sa Batangas, ug gi-endorso ni Deputy Speaker Paolo Ortega ug Rep. Bienvenido Abante.
Nakalatid sa reklamo ang giingong betrayal of public trust, culpable violation of the Constitution, sayop nga paggamit sa pondo, ug daghan pa.
Namatikdan usab nga gisumitir kini sa samang adlaw nga gianunsyo ni VP Duterte ang iyang pagdagan pagka-presidente sa eleksyon sa 2028, nga dugang nagpasamot sa tensyon sa politika.
Bisan pa sa mga reklamo, ang ngalan ni Duterte nagpabilin nga init nga hilisgutan isip usa sa mga nanguna.
Ingon man nga gibarugan gihapon sa defense team ni Duterte nga ang impeachment dili angay nga instrumento sa politika apan usa ka mekanismo sa konstitusyon nga kinahanglan ipailalom sa usa ka patas ug makiangayon nga proseso.
