Nagplano si Senador Ronald “Bato” dela Rosa nga moduso og motion aron i-kwesyon ang hurisdiksyon sa 20th Congress sa impeachment case batok kang Bise Presidente Sara Duterte.
Atol sa press conference, si dela Rosa niingon nga iyang pangutan-on ang Senado sa ika-20 nga Kongreso kon andam ba sila nga mogapos sa mga lakang nga gihimo sa 19th Congress kalabot sa impeachment complaint batok kang Duterte.
Gipasabot sa senador nga kon makapangutana pa ang Senate impeachment court sa House of Representatives sa 20th Congress kon hugtan ba sila sa lihok sa 19th Congress ubos balay balaoranan, angayan usab nga kuwestiyonon ang bag-ong komposisyon sa Senado kon aduna ba silay hurisdiksyon sa pagpadayon sa impeachment trial.
Giklaro sa magbabalaod nga personal niyang pagtuo nga angayan usab nga kuwestiyonon ang labawng balay balaoranan ug nanghinaot siya nga suportahan kini sa mga kaubang senador sa Duterte bloc.
Ingon man nga dili pa klaro kung iduso naba ni dela Rosa ang pagbasura sa impeachment case ni VP Sara.
Matod niya nga una niyang ibalhin o klaruhon ang hurisdiksyon sa Senate 20th Congress sa kasong impeachment batok ni VP Sara.
Una na usab nga gipaambit ni Senate President Francis “Chiz” Escudero nga posible ang Senate impeachment court modesisyon pinaagi sa simple majority vote kung ibasura ba o dili ang impeachment case batok kang Duterte.
Lakip na niini ang bisan unsang mosyon nga ipasaka kay kinahanglang desisyonan pinaagi sa simple majority votes.
