Gihinganlan sa International Criminal Court (ICC) sila si Senador Ronald “Bato” dela Rosa ug Senador Christopher Lawrence “Bong” Go isip co-perpetrators sa usa ka kaso nga may kalabotan sa kampanya batok sa droga ni kanhi Presidente Rodrigo Duterte.
Base sa Document Containing the Charges (DCC) nga gipagawas Pebrero 13, 2026, si Duterte giila nga indirect co-perpetrator ubos sa Article 25 (3)(a) sa Rome Statute alang sa mga krimen batok sa katawhan, ilabi na ang murder ug attempted murder.
Ang dokumento nag-ingon nga ang mga pagpatay nahitabo gikan sa 2011 hangtod 2019, lakip ang mga insidente sa Davao City nga gipahinungod sa Davao Death Squad, ug mga operasyon ubos sa “war on drugs” atol sa iyang administrasyon.
Sumala sa ICC, ang paglakip nila ni dela Rosa ug Go sa listahan tungod sa ilang papel sa pagpatuman ug pagsuporta sa mga palisiya sa drug war.
Ang ginganlan nga mga opisyal naglakip usab sa daghang kanhing miyembro sa gabinete ug mga ahensya sa pagpatuman sa balaod nga direktang nalambigit sa operasyon.
Ania ang mga ngalan nga giila sa ICC:
Ronald “Bato” Dela Rosa
Vicente Danao
Camilo Cascolan
Oscar Albayalde
Christopher Lawrence “Bong” Go
Dante Gierran
Isidto Lapeña
Vitaliano Aguirre II
Ubang mga opisyal sa Philippine National Police ug mga taas nga opisyal sa gobyerno
Sa pagkakaron, ang Pre-Trial Chamber gikatakdang magtuon sa mga ebidensya aron mahibal-an kung ipadayon ba ang husay.
Gipasiugda sa ICC nga ang pagpagawas sa dokumento kabahin sa transparency ug aron ipakita ang gilapdon sa responsibilidad alang sa gitawag nga “war on drugs” sa Pilipinas.
Padayon nga naghulat ang Bombo Radyo sa tubag sa mga ginganlan nga indibidwal bahin sa maong butang.
