DAVAO CITY-Walay tinguha si kanhi Presidente Rodrigo Duterte nga iusa ang iyang partido, ang Philippine Democratic Party (PDP), sa partido ni Presidente Ferdinand Marcos, Jr. Federal Party of the Philippines (PFP).
Matod ni Duterte, bisan og mag-uban ang tanang partido, dili na kinahanglan nga makig-alyansa siya ug mas malipayon siya kon mag-inusara.
Niadtong Huwebes, pormal nga nakig-alyansa ang political base sa Pamilya Villar, ang Nacionalista Party, sa partido ni Presidente Marcos.
Gipangunahan ni Marcos ang ceremonial signing sa alliance agreement tali sa duha ka partido sa Taguig.
Dugang pa sa Nasyonalistang Partido, ang Partido Federal mipirma usab ug mga kasabutan sa alyansa sa Lakas-CMD, Nationalist People’s Coalition, ug National Unity Party.
Sa pikas bahin, gidepensahan ni kanhi Presidente Rodrigo Duterte ang paglungtad sa Philippine Offshore Gaming Operations (POGO) sa nasod.
Matod sa kanhi presidente nga kun hingpit na nga mawagtang ang POGO kinahanglan nga wagtangon na tungod kay naghitak pa ang ilegal nga sugal.
Kahinumduman nga pipila ka mga magbabalaod nitumbok nga malampuson ang POGO tungod sa pagtugot ni Duterte samtang siya pa ang presidente.
