Gisuspenso og tulo ka duwa ang Sacramento Kings guard nga si Dennis Schroder human giingong gi-kompronta ug misulay sa pag-angol sa laing player sa NBA human sa usa ka duwa.
Bisan wala nganli sa NBA ang player nga giatubang ni Schroder, kini unang gitaho nga mao ang bituon sa Los Angeles Lakers nga si Luka Doncic.
Sumala sa mga opisyal sa NBA, gipangita ni Schroder si Doncic sa hallway sa arena diin gipahigayon ang duwa ug nahitabo ang komprontasyon, diin ang duha gikataho nga nagbayloay og init nga mga pulong.
Samtang, ang suspensyon ni Schroder wala’y multa, ug nagsugod na kini diin ang iyang team makigtigi sa Houston Rockets, dili usab siya makaduwa sa rematch sa Kings batok sa Lakers ingon man sa sunod nga duwa batok sa New York Knicks.
Ang Sacramento karon ikaduha sa adunay pinakagrabe nga rekord sa NBA.
