Nagpasalamat ang aktor nga si Dennis Trillo sa Diyos human naluwas ang iyang kamagulangang anak nga si Calix sa usa ka aksidente sa sakyanan niadtong Lunes sa kaadlawon, Mayo 25.
Sa usa ka post nga gipaambit apan sa ulahi gitangtang sa aktor, gisaysay ni Dennis nga ang iyang 18 anyos nga anak nakatulog samtang nagmaneho nga nag-inusara mga alas 5 sa buntag.
Tungod sa kusog sa impact, hingpit nga nadaot ang sakyanan human kini nabalintong.
Bisan pa niini, walay laing sakyanan o tawo nga gikatahong nalambigit sa insidente.
Sumala sa aktor, si Calix nakaangkon lamang og mga bun-og sa ulo ug bukton, ingon man paghubag sa iyang wala nga kamot.
Nagpahayag og dakong pasalamat si Dennis nga ang nahitabo sa iyang anak dili mas grabe pa.
Gigamit usab sa aktor ang maong insidente aron pahimangnoan ang publiko bahin sa peligro sa pagmaneho samtang nagduka.
