Gipahibalo sa Department of Agriculture (DA) nga ilang palapdan ang P20-kada-kilo nga programa sa bugas karong tuiga.
Ang maong programa kabahin sa plano sa gobyerno nga makaabot sa 15 milyon nga mga panimalay sa katapusan sa 2026.
Kung diin, ang gobyerno naggahin og P23 bilyon sa 2026 aron i-subsidize ang programa sa bugas nga P20, nga sa sinugdanan nagtumong sa mga anaa sa mga mahuyang nga sektor.
Sumala ni Agriculture Secretary Francisco Tiu Laurel Jr., ang maong programa nagsugod lamang alang sa mga benepisyaryo sa 4Ps, mga tawo nga adunay mga kakulangan, mga single parent ug mga senior citizen.
Dugang niya nga karong tuiga ilang gitarget ang 15 milyon nga mga panimalay o mga 60 milyon nga mga Pilipino.
Giklaro sa opisyal nga ang limitasyon sa pagpalit magpabilin aron ilang madumala ang suplay sa bugas.
