CENTRAL VISAYAS-Gibutyag ni Frederick Amores, direktor sa Department of Communications and Information Technology sa Central Visayas (DICT 7) nga ang pagpalit ug pagbaligya sa narehistro na nga mga SIM card pinaagi sa online nga mga merkado ilegal ug kadtong nagbuhat niini dakpon.
Nihatag og gibug-aton sa posibilidad nga ang mga tag-iya niining mga rehistradong SIM card mahimong malambigit sa kuwestiyonableng transaksyon ug kalihokan.
Matod niya nga ang pagpalit ug pagbaligya niining mga SIM card gikan sa online marketplaces mahimong magpasabot nga usa ka paglapas sa Republic Act 11934, nailhan usab nga SIM Card Registration Act.
Ang RA 11934 nagmando sa pagparehistro sa tanang SIM card sa dili pa i-activate.
Ubos sa balaod, ang paghatag og sayop nga impormasyon o paggamit og fraudulent identity sa pagparehistro og SIM mahimong moresulta sa unom ka buwan ngadto sa duha ka tuig nga sentensiya nga pagkapriso, multa nga dili mominus P300,000, o pareho.
