Gisiguro sa Department of Education nga kanunay ang ilahang pagpahigayon ug mga ‘unannounced drill’ ang mga tunghaan matag buwan.
Gibutyag ni Dr. Salustiano Jimenez, DepEd 7 Regional Director, nga kamandoan ni Vice President ug DepEd Secretary Sara Duterte-Carpio, ang pagpahigayon ug mga calamity drill matag buwan isip pagpangandam sa mga posibling kalamidad nga mu-igo sa nasud.
Kini ang pamahayag ni Jimenez human sa pag-igo sa 7.8 magnitude nga linog sa Turkey ug Syria.
Matud pa, una nang gi-orient ang mga magtutudlo sa mga angayan nga buhaton arun nga sila na usab ang mutudlo sa ilahang mga tinun-an.
Gawas pa niini, giawhag usab ang mga ginikanan sa paglakip sa maong orientation arun nga aduna usab sila’y kasayoran sa angayan nga buhaton kung ugaling maabtan ang mga bata sa ilahang mga panimalay sa bisan unsa man nga kalamidad.
