CENTRAL VISAYAS- Andam na ang Department of Education (DepEd) Region 7, nga mosalmot sa Palarong Pambansa 2025, nga ipahigayon sa Laoag City, Ilocos Norte, gikan sa Mayo 24 hangtod 31, 2025.
Kini ang national youth sports event, nga gipasiugdahan sa DepEd, makita sa mga student-athletes gikan sa tibuok Pilipinas nga magtigi sa nagkadaiyang sports.
Atol sa pakighinabi sa Bombo Radyo Cebu kang Dr. Salustiano Jimenez, Regional Director sa DepEd 7, gitino niini nga ang “advance Party” uban siya naabot na sila sa Ilocos niadtong Mayo 15, ug ang “full delegation” moabot sa May 22, 2025.
Gidugang niini nga anaa sa 900 kapin ang tanan nga delegado nga mosalmot alang sa Palarong Pambansa 2025 nga gikan sa Central Visayas.
Gihatagan niini og gibug-aton nga hilabihan na ang ilahang pagpangandam alang sa naasoy nga kalihokan, ingun man ang mga kabatan-onang atleta.
Apan, bisan unsa paman og giunsa pagbansay kining mga bataa, kung walay pagdubulgi sa kahitas-an.
Hinungdan nga, nanawagan kini og pag-ampo sa mga Sugbuonan o sa tibuok Central Visayas, nga mahatagan og giya silang tanan,aron sa kadaugan sa mga kabataan nga nag-representa sa Department of Education (DepEd) Region 7.
Kung kahinumduman, sa nakalabay nga tuig ang Palarong Pambansa gipahigayon nganhi sa Dakbayan sa Sugbo, karung tuiga ipahigayon kini sa Ilocos Norte.
Ang logo sa Palarong Pambansa 2025, nga gitahi sa pula ug asul, ang mga kolor sa nasudnong bandila, dili lamang nagpasidungog sa iyang kabilin kondili nagrepresentar sa tema karong tuiga: “Nagkakaisang Kapuluan” (United Archipelago).
Gipasiugda niini ang gahom sa sports sa paghiusa, ilabina nga ang mga estudyante-atleta gikan sa tanang 17 ka rehiyon nag-uban alang sa labing importante nga grassroots athletic event sa nasod.
Pormal nga gitukod niadtong 1948, ang Palarong Pambansa nagsilbi nga nasudnong plataporma sa pag-ila ug pag-amuma sa talento sa sports.
Ang mga mananaog sa Palaro kasagarang mouswag ngadto sa elite pathways: gi-recruit sa National Sports Associations (NSAs), nagtanyag ug university scholarships, o mosuhop sa nasudnong training pool alang sa internasyonal nga mga kompetisyon sama sa ASEAN School Games, SEA Games, Asian Games, ug bisan sa Olympics.
