Subli na ang pagpanglimpyo sa buhatan sa Department of Public Service sa dakbayan sa Sugbo, kini human nga natapos na ang National and Local elections niadtong Lunes, Mayo 12, 2025.
Naka-ani og kasamok og sagabal ang mga papel nga gihimong sample ballots nga nagpasad lang sa mga kadalanan human sa eleksiyon, apil na usab ang mga tarpulins ug mga campaign posters nga gipapilit sa nagkadaiyang pampubliko nga lugar.
Kini gumikan kay wala na gipangbalik sa mga kandidato ang mga nagpasad nga mga campaign materials, hinungdan nga sub-sob ang pagpanglimpyo ug pagpanghakot sa mga basura sa mga sakop sa Department of Public Service.
Gibutyag sa pangu sa Department of General Services sa dakbayan sa Sugbo nga si John Paul Gelasque, nga sagad sa ilang nakuha ug nahakot nga mga basura mao ang mga papel nga gipang gamit isip sample ballots ug campaign posters.
Dugang usab niini nga wala mangunay ang mga kandidato sa pagtang-tang sa ilang kaugalingong posters bisan paman sa kamandoan nga Comelec kabahin niini, hinungdan nga inisyatiba nalang Gelasque, isip pangu sa naasuy nga buhatan nga magpahigayun og pagpanglimpyo sa dakbayan sa Sugbo.
Samtang, sobra 300-ka mga personnel sa buhatan ang nanglimpyo sa dakbayan ug 30-ka mga trucks ang gigamit alang sa paghakot sa basura. | Bombo Nathaniel Sandoval
