-- ADVERTISEMENT --
CENTRAL VISAYAS-Nangandam na karon ang Department of Social Welfare and Development (DSWD) sa Central Visayas alang sa disaster response activities sa posibleng epekto sa Super Typhoon Egay.
Ang mga bodega sa DSWD sa Bohol, Cebu ug Negros Oriental nangandam og mga food packs, non-food items ug mga galon sa binotelyang tubig nga ihatag sa mga pamilya nga posibleng maapektuhan sa super typhoon.
Matod sa DSWD field office 7, aduna na silay natigom nga kinatibuk-ang 57,308 ka family food packs, diin 47,260 niini anaa na sa 58 ka giila nga local government units (LGU).
Ang departamento padayon nga naghimo sa pag-repack sa mga butang aron mapuno ang mga stock ug mapadayon ang gikinahanglan nga gidaghanon sa mga butang nga ipang-apod-apod.
