CEBU CITY-95 porsyento na nga andam ang Department of Education dinhi sa Central Visayas alang sa pag abli sa klase karong umaabot nga June 4 alang sa school year 2018-2019.
Kini maoy gibutyag ni Director Juliet Jeruta ang regional director sa Department sa Education Region 7.
Matud ni Jeruta nga padayon ang Brigada Eskweka sa tanang mga tunghaan dinhi sa Central Visayas. Matud pa nga diri sa REGION 7, sa Bohol nagpahigayon sa grand Launching diin mibisita sab kini sa mga island schools sa probinsya.
Gibisita niini ang tulo ka municipalidad sa Bohol, ang Lila, Blilihan ug sa Hetafe.// Gawas sa Brigada Eskwela nagpahigayon sab ug training karon ang mga magtutudlo. Dinhi sa Rehiyon 7, dunay 3 ka venue, usa sa Negros Oriental ug duha dinhi sa Sugbo.
Samtang 46 posyento sa mga tunghaan sa Central Visyas ang mu increase sa ilang tuition karong ting abli sa klase.
Matud ni Jeruta nga dunay 131 la mga private schools ang nag apply aron patas-an ang ilang tuition fee.Dugang pa niini nga justifiable ra pud nganong mupasaka sila ug bayrunon sanglit alang kini sa pagpausbaw sa sweldo sa ilang nga empleyado.
