CENTRAL VISAYAS-Nipadayag og tumang kasubo ang Department of Education Region 7 sa makalilisang nga pagpatay sa usa ka Grade 7 student sa Talisay City, Cebu.
Gani, gikondenar ni Dr. Salustiano Jimenez, ang regional director sa DepEd-7, sa maong linuog nga pagpatay sa menor de edad diin gituohang gipusil samtang nag-answer sa iyang mga module.
Ingon man nga nanawagan og dinaliang aksyon ang opisyal sa mga awtoridad aron masikop ang responsable sa maong linuog nga krimen.
Gitino usab ni Dr. Jimenez nga ang DepEd Region 7 nakigtambayayong sa mga ahensya nga nagpatuman sa balaod sa nagpadayon nga imbestigasyon ug nagplano sa paghatag og suporta sa nagbangutan nga mga ginikanan sa biktima.
Kung kahinumduman, nga nahitabo ang insedente sayo sa buntag karung adlawa Abril 26, 2024, nga nakapakurat sa komunidad ug nagpatunghag mga kabalaka bahin sa kaluwasan sa mga estudyante.
