-- ADVERTISEMENT --

Nagpatuman og multi-grade system ang ahensya sa Department of Education – Central Visayas (DepEd-7) aron sa pagsulbad sa kakuwang sa mga magtutudlo ug classrooms sa mga pampublikong tunghaan sa elementarya sa rehiyon.

Ubos sa maong sistema, ang mga estudyante sa mga nagkadaiyang grado kay gihatagan og designated adviser imbes nga ipatuman ang ratio nga 1:25 teacher-to-student count ug shifting schedule sa baylo baylo nga paggamit sa mga lawak.

Matod pa ni DepEd-7 Regional Director Dr. Salustiano Jimenez nga ang nag-unang problema sa rehiyon kay ang kakuwang sa classrooms para maka-accomnodate sa dasok sa mga estudyante nga gikan sa mga pribadong tunghaan.

Dugang pa niini nga ila sab karon gipatuman ang modular ug blended learning method para sa mga bata.

Giawhag ni Jimenez ang mga Local Government Units (LGUs) sa pagdalit ug dugang school supplies ug mga ekipo sa mga pampublikong tunghaan sa elementarya.

-- ADVERTISEMENT --

Sumala sa ulahing datos niadtong Hulyo 17, adunay kinatibuk-ang ihap sa kapin 1.19-milyones ka mga estudyante sa pampublikong eskwelahan samtang 99,000 kapin ang anaa sa mga pribadong tunghaan.