CEBU CITY — Nanawagan si Department of Education (DepEd-7) Regional Director Dr. Salustiano Jimenez ug pagtinabangay ning panahon sa ‘new normal’ nga sitwasyon sa pagtungha gumikan sa pandemya.
Kini ang usa sa tubag sa Director kalabot na sa pipila ka mga pagsaway kabahin sa sayop nga mga modules.
Matod ni Salustiano nga wa’y perpekto, apan kung aduna ma’y nasayop sa module pwede matod pa kini nga ipahibawo sa buhatan sa DepEd sama sa Regional Offices aron ma-korek ang angayang ma-usab.
Ni-awhag ug panaghiusa ug pagtinabangay ang Director ilabi na nga kita tanan matod pa ang apktado niining epekto sa pandemya.
Gi-klaro usab sa opisyal nga wa pa’y tukmang reklamo nga nadawat ang iyang buhatan may labot sa sayop nga bahin sa module.
Ning kasamtangan, daghan ang gipang-post sa social media kabahin sa sayop nga parte sa module diin ang ubang tubag wa matod pa matukma sa gipangutana. /GBS/GN
