Nipadangat og suporta ang Department of Education Region-7 ngadto sa mga nagkadaiyang Local Government Units (LGU) kabahin na sa mga gipdalang deligates sa Batang Pinoy karong adlawa, Oktobre 22, ngadto sa General Santos, City.
Gikabuytag ni Dr. Salustiano Jimenez ang Regional Director sa DepEd-7 nga nihataga na sila og suporta sa Batang Pinoy pamaagi sa pagtugot nga ipadala ang mga bata ug usab pagpahigayon og ubang dokumento aron hapsay ang pagtugot nga makalarga ang mga atleta, ingun man nag-approach usab ang ubang LGU og mga coach coordinator nga mamahimong mag-manage sa mga pambato sa mga atleta gikan sa Central Visayas.
Gitataw usab ni Jimenez ang kalahian sa Palarong Pambansa ug sa Batang Pinoy diin matod niya, ang Palarong Pambansa ubos sa pamunuan sa DepEd runs sport activity, samtang ang Batang Pinoy by team kini ug magdepende na sa LGU kung kinsa ang ilahang ipadala.
Sa pikas bahin, nahisgutan usab ang kabahin sa In-Service Training (INSET) diin posible na nga sunod semana kini masugdan diin iyahang gikanayon nga aron ma refresh ang mga magtutudlo ug matudluan sa unsa ang angay nga itudlo atol na sa INSET.
Dugang ni Jimenez ang In-Service Training (INSET) gigahinan na og budget sa DepEd busa libre kini alang na sa mga magtutudlo.
Atol usab sa INSET, giklaro ni Jimenez nga walay klase ang mga magtutungha anang higayona kay gigahin man kana nga panahon alang sa service training sa mga magtutudlo.
Busa, posible nga mabalik ang klase sa unang semana sa Nobyembre.
