CEBU – Nanawagan ang Department of Education (DepEd) sa dakbayan sa Sugbo sa Emergency Operations Center (EOC) nga dili na gamiton ang mga tunghaan isip isolation center.
Gihimug-atan ni District Supervisor Liberato Lauranillo sa DepEd Cebu City central schools nga lisod alang sa mga tunghaan nga mahimong isolation center pag-usab gumikan makahatag kini og risgo sa mga tinun-an.
Nilaum usab sila sa hingpit nga pagpatuman sa face-to-face (F2F) classes sa sunod tuig nga tingtungha.
Hangyo ni Lauranilla nga dili himoon og isolation center ang City Central Elementary School gumikan dako kaayo ang problema nga mocrop up labi na sa health and sanitation sa eskwelahan.
Namatikdan nga atol sa pag-turnover sa tunghaan gikan sa EOC ngadto sa DepEd, nabiyaan ang tunghaan sa hugaw nga kahimtang nga puno sa basura ug wala na sa maayong kahimtang ang mga classrooms tungod sa mga naguba nga lingkuranan ug lamesa.
Kini usab ang gikompirmar ni Cebu City Councilor Joel Garganera nga dili na gamiton ang mga tunghaan kung ugaling mosaka og balik ang kaso sa Covid-19 , kung ugaling man, ibutang kini sa Cebu City Quarantine Center (CCQC) o nalihan usab nga NOA.
