Cebu City– Nakugang ang mga estudyante ug mga magtutudlo sa lungsod sa Cebu human nga makadawat ug bomb threat ang lima ka eskwelahan ug opisina sa DepEd Cebu City ganinang alas 8:39 sa buntag.
Matud ni Councilor Dave Tumulak, ang deputy mayor for Police Matters, nga nakadawat ug tawag gikan sa usa ka wala pa mailhi nga caller ang Lahug Elementary School, Zapatera Elementary School, Tejero Elementary School, Don Carlos A. Gothong Memorial National High School, Mabolo Elementary School, ug City Central Elementary School, kung diin naghisgot nga adunay bomba sa building sa mga nahisgutang eskwelahan. Dali usab nga nanggawas sa building ang mga magtutudlu ug estudyante samtang gihuwat ang mga sakop sa SWAT TEAM.
Matud pa ni Tumulak nga nagpanic ang mga ginikanan ug dali nga niadto sa eskwelahan para sunduon ang mga anak niini. Naguba pa ang mga gate ug bongbong sa mga eskwelahan mahitungod sa pwersa nga pag-ikyas sa mga estudyante mahitungod sa bomb threat.
Sa laing bahin, gikumpirma ni Dr. Beanito Dagatan, ang School Division Supt sa DepEd Cebu City, nga nakadawat usab kini ug tawag gikan sa usa ka lalaki, kung diin giabisuhan ang mga magtutudlo nga mag-amping sa nahisgutang building mahitungod nga aduna kini bomba. Matud ni Dagatan nga dili pure nga Bisaya ang nitawag nga lalaki mahitungod kay lain ang tono sa sinultihan niini. Dali usab nga gibakwit sa mga staff sa DepEd Cebu ang nagkadaiya niining opisina mahitungod sa kahadlok.
Walay nakita nga bomba o butang nga kaduda-duda ang mga sakop sa Special Weapons and Tactics o SWAT TEAM kung diin maoy nagtan-aw sa nahisgutang tunghaan. Bisan paman nga nag negatibo kini, gisuspinde gihapon sa DepEd Cebu City ang mga klase sa mga nahisgutang eskwelahan ug nakatakda nga magpahigayun ug meeting ang mga schoolheads kalabot sa maong insidente unyang hapon.
