CENTRAL VISAYAS- Taliwala sa nagpdayun nga bati nga panahon sa Agusan Del Sur, wala ray natala nga mga kadaot nga nasinati ang buhatan sa Department of Education-Central Visayas sa padayun nga pagpahigayon sa Palarong Pambansa 2026 sa nahisgutang lugar.
Matud ni DepEd Regional Director Arturo Bayucot, nga wala ray mga kakulian nga nasugatan ang DepEd bisan paman nga adunay mga hulga sa panahon sa lugar nga posibleng maapekto sa mga duwa sa atleta.
Sigon niini nga wala ra usab silay nasinati nga problema sa mga pagkaon sa mga delegado og sa mga atleta gumikan kay nakasunod sa guidelines o dietary program ang mga pagkaon sa mga bata aron paglikay sa mga posibleng problema sa mga pagkaon sama sa food poisoning.
Gilauman usab ni Bayucot, nga magpabilin sa top rank ang Central Visayas sa partial and unofficial results sa medal tally sa padayung pagpahigayon sa Palarong Pambansa 2026, gumikan kay anaa ra sa rank 7 ang Central Visayas sa nakalabayng tuig.
Taliwala sa consistent nga pagkasulod sa region-7 sa rank 5 sa medal tally sa nakalabay usab nga katuigan, masaligon usab kini nga magpabilin sa top 3 o mas labaw pa ang makab-ot nga mga kadaugan og medalya gikan sa mga atleta.
Gipasalig usab sa Regional Director nga dili mabalaka ang mga atleta og mga delegado sa Palaro gumikan kay sigurado gayud kini nga ang mga local government units moabag ug mohatag og hinabang sa mga atleta nga misalmot sa Palarong Pambansa 2026.
Sapagka karon, anaa sa ika-4 nga puwesto ang Region VII – Central Visayas nga nakabaton og mga medalya nga 13 ka gold medal, 12-ka silver, 11- ka bronze nga adunay 36 total medals.
