Miawhag ang Department of Education (DepEd) sa tanang pampublikong eskwelahan sa nasud nga mopahigayon og simple ug barato nga mga graduation ug moving-up ceremony sa mga estudyante alang sa Tuig Eskwelahan 2025–2026, isip tubag sa nagkataas nga gasto sa transportasyon ug nagkataas nga presyo sa mga palaliton.
Ubos sa DepEd Memorandum No. 015, s. 2026, gidili ang bisan unsang pagkolekta og bayad o kontribusyon gikan sa mga estudyante alang sa end-of-school-year rites. Sumala ni Education Secretary Sonny Angara, kini gituyo aron makuhaan ang gisagobang sa mga pamilya.
Gimando usab nga likayan ang mahal nga mga lugar ug himuong inklusibo ang mga seremonya, samtang ang MOOE sa eskwelahan mahimong gamiton aron matabonan ang mga gasto.
Gibanabana nga 1.9 milyon nga mga estudyante sa Grade 6 ug 1.8 milyon nga mga estudyante sa Grade 12 ang mogradwar karong tuiga, ug ang mga seremonya gikatakda sa Marso 30 o 31, 2026.
