Mimando ang Department of Education (DepEd) sa pagpadali sa pagkompleto sa liboan ka wala nahuman nga mga classroom sa tibuok nasud, samtang nangandam kini sa pagpalapad sa mga opsyon sa paghatag og mga school building sugod sa 2026 aron matubag ang kakulangon sa mga pasilidad sa batakang edukasyon.
Sumala ni Education Secretary Sonny Angara, ang DepEd nakig-alayon sa DPWH, nga gitahasan sa pagtukod og mga pampublikong eskwelahan sa bag-ohay nga mga tuig, aron mapadali ang pagbalhin sa mga nalangan nga proyekto.
Base sa pinakabag-o nga datos, kapin sa 8,000 ka mga proyekto sa classroom ang dungan nga gitrabaho alang sa 2024 ug 2025. Ang DPWH nakakompleto na og mga 3,600 ka mga classroom, ug ang nahabilin gipunting alang sa diha-diha nga paggamit sa mga estudyante.
