Nakig-alayon ang Department of Education (DepEd) sa Department of Transportation (DOTr) ug sa Foreign, Commonwealth and Development Office (UK FCDO) sa United Kingdom aron ipasiugda ang mas luwas, mas dali nga mga kapilian sa transportasyon alang sa mga estudyante ug magtutudlo pinaagi sa Senate-DepEd (SEED) Transit-Oriented Development (TOD) Project.
Gipormal ang maong inisyatiba pinaagi sa memorandum of understanding nga nagtumong sa pagpauswag sa 14 ka ektarya nga DepEd Complex sa Taguig City ngadto sa usa ka modernong “Education City” nga nakaangkla palibot sa umaabot nga Senate-DepEd railway station.
Kini nga estasyon modugtong sa duha sa labing dagkong mga proyekto sa imprastraktura sa nasod—ang North-South Commuter Railway ug ang Metro Manila Subway Project.
Sa nahimong pamahayag ni Education Secretary Sonny Angara, ang maong panagtambayayong nagsiguro nga ang atong mga estudyante ug mga magtutudlo direkta usab nga makabenepisyo gikan sa usa ka maayo nga pagkaplano, berde, ug luwas nga palibot nga sa katapusan makatampo sa mga katuyoan sa edukasyon sa publiko
Ang gilantaw nga hub adunay bahin sa eco-friendly buildings, open spaces, housing for teachers, ug training facilities.
Samtang ang UK FCDO, nisaad nga magdala saBritish expertise aron suportahan ang malungtaron ug lig-on nga disenyo sa syudad. Usa ka hiniusang grupo sa pagtrabaho ang modumala sa ikaduhang hugna sa proyekto, nga naglakip sa teknikal nga pagtuon ug pagpalambo sa konsepto, ubos sa pagtugot sa Department of Economy, Planning and Development.
