Mangunay a pagmonitor si Education Secretary Sonny Angara sa pagsunod sa mga tunghaan sa pagpatuman sa ilang anti-bullying policy.
Matod ni Angara, ang matag eskwelahan gikinahanglan nga adunay anti-bullying policy. Bisan tuod ang balaod wala mag-ingon kung unsa ka ka estrikto, gikinahanglan gihapon nga adunay usa ka polisiya mahitungod niini.
Gihisgutan usab ni Angara ang kakuwang sa mga guidance councilors, nga giingon nga adunay hapit 5,000 nga mga bakanteng posisyon.
Mao nga ang DepEd, Commission on Higher Educatiom, ug ang Civil Service Commission molihok aron matubag kini.
Dugang pa sa kalihim nga nanghinaot siya nga mapun-an una ang 5,000 ka mga bakanteng posisyon sa labing menos guidance counseling ug psychology graduates.
Gihatagan usab unta kini og grace period nga lima ka tuig aron makuha ang gikinahanglan nga mga kredensyal.
Gawas niini, unang gikataho nga matud pa ni Second Congressional Commission on Education (EDCOM 2) executive director Karol Mark Yee, dili lang kini ang mga problema kay nahisgutan man ni Presidente Ferdinand Bongbong Marcos Jr. nga nakabasa siyag artikulo base sa pagtuon sa Singapore, nga ang nasud nga ‘loneliest’ o pinakasubo nga mga estudyante mao ang Pilipinas.
