CEBU – Nangandam na ang mga opisyal sa Department of Education (DepEd-7) alang sa umaabot nga piniliay karong Mayo 9,2022.
Gibutyag ni Dr. Salustiano Jimenez ngadto sa Regional Director sa Rehiyon-7, nga andam na ang ilang mga magtutudlo alang sa umaabot nga piniliay, ug na-umol na usab ang regional election taskforce, ug division school taskforces.
Dugang pa ni Jimenez, nga adunay facilitated orientation para sa mga focal persons sa task force aron sutaon kung unsa ang kinahanglan nga buhaton sa umaabot nga eleksyon, ug dili ma-electioneering ang magtutudlo sa eleksyon.
Kini aron masiguro, nga adunay ideya ang mga kauban kung unsa ang buhaton sa panahon sa eleksyon, samtang ang LGU ug Comelec nag-coordinate aron mapugngan nga adunay mga paryente ang mga magtutudlo nga modagan sa eleksyon , kini subay usab sa mga kinahanglanon Comelec.
Gitumbok usab niini nga gihimo ang Mayo 2-13 nga pagsuspenso sa klase sa tanang tunghaan aron sa pag-andam ug paghatag ug kahigayonan sa mga magtutudlo sa pag-andam sa ilang mga classroom ug aduna usay dugang orientation alang sa mga magtutudlo.
