CEBU – Bu-ot sa Kagamhanan sa Probinsiya sa Sugbu nga masigurong dili makahugaw sa kalikupan ang tukoron nga Maldives inspired Cottages sa 33 hektarya nga kadagatan sa Lungsod sa Cordova.
Kini ang nahimong pamahayag sa gobernadora atol sa meeting nila sa kapitolyo uban nilang Cordova Mayor Cesar Didoy Suan, grupo sa mga designer pinangulohan sa nabantog nga si Kenneth Cobonpue, architect Buck Sia, environmentalist ug uban pa.
Una nang gibutyag sa Gobernadora nga himuong nasudnon ang design competition alang sa maong Maldives inspired cottages nga mahimo unyang usa sa top tourists destination sa Sugbu.
Ubos sa maong grand tourism plan gusto sa Kagamhanan sa Probinsiya sa Sugbu nga mabalanse gihapon Ang environmental conservation, tourism ug income and employment sa mga Cordovahanons.
