Giawhag ni Senate Majority Leader Francis Tolentino ang Department of Foreign Affairs (DFA) nga tun-an ang posibleng paglapas sa China sa International Humanitarian Law nunot sa pinakaulahing harassment sa Ayungin Shoal.
Matod ni Tolentino, klaro nga makita sa video footage sa insidente ang pagsakmit sa mga suplay sa pagkaon alang sa tropa sa gobyerno.
Hinungdan nga ang senador niinsistir nga gawas sa diplomatic protests, kinahanglang tun-an usab sa DFA ang mga kalapasan sa China sa International Humanitarian Laws.
Gitataw ni Tolentino nga bisan og walay direktang panagbangi o gubat, ang kagutom makonsiderar nga pamaagi sa pakiggubat.
Sa samang higayon, gisubli sa lider ang suporta sa Armed Forces of the Philippines (AFP) ug sa pamahayag ni AFP Chief of Staff Romeo Brawner Jr. aron tugotan ang mga sundalong Pilipino sa Ayungin Shoal nga magdala og armas alang sa pagdepensa sa kaugalingon.
