Gipasalig sa Department of Foreign Affairs (DFA) nga luwas gihapon nga makatabok ang Philippine-flagged vessels sa Strait of Hormuz.
Kini nahitabo taliwala sa nagkagrabe nga tensyon human gihulga ni U.S. President Donald Trump nga babagan ang Strait of Hormuz human sa napakyas nga mga panagsultihanay sa kalinaw.
Sumala ni Foreign Affairs Secretary Ma. Theresa Lazaro, ang Pilipinas ug Iran nagpabilin nga nagkauyon nga tugotan ang luwas ug walay babag nga pag-agi sa Philippine-flagged vessels, ingon man mga marinero ug mga kargamento sa lana.
Giingon usab sa DFA nga bag-o lang gikumpirma sa Iran nga daghang mga barkong Pilipino ang luwas nga makatabok sa nahisgutang ruta.
Ang Strait of Hormuz usa sa labing importante nga ruta sa pagpadala sa lana sa kalibutan, diin moagi ang usa ka dako nga bahin sa suplay sa lana sa kalibutan.
Tungod sa kagubot sa rehiyon, misaka ang presyo sa lana sa miaging mga semana.
Padayon nga gimonitor sa mga awtoridad ang sitwasyon sa Middle East aron masiguro ang seguridad Filipino seafarers ug ang suplay sa enerhiya sa nasud.
