CEBU CITY-Di mominos 8 ka mga pasahero ug duha ka crew ang naangol human ang fast ferry nga ilang gisakyan nabangga sa usa ka cargo vessel sa Mactan Channel gahapon sa hapon Domingo, Mayo 21, 2023.
Nahitabo ang insidente mga alas 2:45 sa hapon. samtang ang fast ferry miagi sa ilawom sa unang Cebu-Mactan bridge.
Matud sa mga pasahero nga ang kusog nga impact ang nahimong hinungdan nga ang mga muwebles ug mga fixture nalabay sa palibot.
Giklaro ni Coast Guard Insen Renan Lagare Jr., deputy commander sa Philippine Coast Guard Cebu, nga niresponde sila sulod sa usa ka oras human sa panagbangga tali sa usa ka barkong pasaheroan ug usa ka barkong dekarga duol sa unang taytayan sa Mactan.
Kini nga katin-awan nahimo isip tubag sa mga taho nga nagsugyot sa pagkalangan sa ilang pagtubag sa mga pasahero.
Una niini, ang mga pasahero gikataho nga nasagmuyo nga ang mga rescuer migahin og usa ka oras sa pagresponde.
Niresponde usab ang Cebu City Disaster Risk Reduction and Management Office ug ubang ahensya sa pagtabang sa mga pasahero nga naangol.
Sa kasamtangan, nagpadayun pa ang imbestigasyon ang Philippine Coast Guard sa Sugbo kalabot sa insidente sa kadagatan, ug gihuwat pa ang pamahayag sa kapitan, gumikan kay anaa pa kini sa hospital.
Nasayran nga adunay 190 ka pasahero nga hamtung, lima ka bata ug 13 ka tripulant ang sakay sa Supercat MV. ST. Jhudiel.
Sa kasamtangan, gi suspenso ang duha ka barko nga nagbangga ug adunay sunction kung unsay sangputanan sa imbistigasyon
