CEBU – Gipaabot na lang karun sa DILG-Cebu Province ang mga bag-ong programa sa bag-ong administrasyon diin lain na usab ang gitudlo nga DILG Secretary nga si kanhi MMDA Chairman ug kanhi Mandaluyong Mayor Benjamin Abalos, Jr.
Matud pa ni DILG-Cebu Province Director Atty. Ian Kenneth Lucero nga sa pagkakarun ipadayon una nila ang ilahang mga programa sama sa Seal of Good Local Governance, Seal of Good Financial House Keeping, pag-incentivize sa mga LGUs, pagpalambo sa peace and order, war on drugs ug uban pa.
Gidugang pa ni Atty Lucero nga magpadayon ang ilahang tahas isip usab development partner sa mga LGUs sa ilahang gusto nga ipatuman nga mga programa ug panerbisyo sa ilahang area of responsibility.
Gihimug-atan niini isip bag-ong director, nga anaa lang sila kanunay ug dili angayan nga magpanuko o magduha-duha ang mga LGUs sa pagduol kanila alang sa ilahang pag-giya o paghatag ug tabang.
