Dili ang initiation rites, inay ang hazing mismo ang gidili sa balaud.
Kini ang gitataw ni Atty. Amando Virgil Ligutan, University of the Philippines Law Professor.
Basi sa Republic Act 11053 o Anti-Hazing Act of 2018, gidili ang hazing isip requirement nga makasulod ang usa ka indibidwal nga mahimong miyembro sa usa ka fraternity, sorority o bisan unsa man nga organisasyon.
Matud ni Atty. Ligutan nga dili tanang initiation rites kay ipaagi ug pisikal nga pasakit sama sa hazing, butang nga gi-regulate usab sa balaud.
Gihimug-atan sa manlalaban nga bug-at ang maong balaud gumikan kay ang mapamatud-an nga nakalapas niini kay pahamtangan ug reclusion perpetua o tibuok kinabuhi nga pagka-bilanggo.
Tambag ni Atty. Ligutan sa mga adunay grupo o organisasyon nga dili kalimtan ang naasoy nga balaud ug himuon na lang ang initiation rite nga dili pinaagi sa hazing.
