‘Dili awtorisado’ nga pagkolekta sa bayad sa parking sa Dakbayan sa Sugbo, gipanawagan nga pa-imbistigahan ni Konsehal Alcover

CEBU CITY-Nanawagan og imbestigasyon si Konsehal Jun Alcover Jr. ang Konsehal sa dakbayan sa Sugbo sa ‘unauthorized’ nga koleksyon sa mga parking fee.

Kini ang gihisgotan sa konsehal atul sa pakighinabi sa Bombo Newsteam, kung diin gibutyag niini nga labing menos duha ka reklamo na ang niabot sa iyang buhatan sa giingong pagpangolekta og parking fee sa Cebu Parking Management (CEPMA) matag Domingo.

Ang unang insidente nahitabo niadtong Marso 13 samtang ang ikaduha nahitabo niadtong Mayo 19.

Matud sa konsehal nga nisaka ang mga reklamo sa pagpangolekta sa parking fee sa CEPMA bisan sa Domingo.

Gitino niini nga iyaha nang gihangyo ang Traffic Management Committee (TMC) ug ang City Legal Office (CLO) nga susihon ang maong butang.